Sir Garfield Sobers Death News : क्रिकेट इतिहासातील महान अष्टपैलू आणि वेस्ट इंडिजचे माजी कर्णधार सर गारफिल्ड सोबर्स यांचे वयाच्या 89व्या वर्षी निधन झाले. त्यांच्या निधनाने जागतिक क्रिकेटवर शोककळा पसरली आहे.
महान अष्टपैलू म्हणून वेगळी ओळख
28 जुलै 1936 रोजी बार्बाडोसच्या सेंट मायकेल येथे जन्मलेल्या सोबर्स यांनी 1952 मध्ये प्रथम श्रेणी क्रिकेटमध्ये पदार्पण केले, तर 1954 मध्ये वेस्ट इंडिजकडून कसोटी क्रिकेट खेळण्याची संधी मिळाली. डावखुरे फलंदाज, डावखुरे वेगवान तसेच फिरकी गोलंदाज अशी त्यांची बहुआयामी ओळख होती. 1965 ते 1972 या काळात त्यांनी वेस्ट इंडिजचे नेतृत्व केले आणि 39 कसोटींमध्ये संघाचे कर्णधारपद भूषवले. कार्डिफमध्ये काउंटी सामन्यात एका षटकात सलग सहा षटकार ठोकणारे ते क्रिकेट इतिहासातील पहिले फलंदाज ठरले होते.
आयसीसीच्या सर्वोच्च पुरस्कारालाही त्यांचे नाव
सर गारफिल्ड सोबर्स यांच्या योगदानाचा गौरव म्हणून आयसीसीने आपल्या वार्षिक सर्वोच्च वार्षिक पुरस्काराला ‘सर गारफिल्ड सोबर्स क्रिकेटर ऑफ द इयर‘ ( Sir Garfield Sobers Trophy) असे नाव दिले आहे. एखाद्या खेळाडूच्या नावाने सर्वोच्च पुरस्कार देण्यात येणे, हे त्यांच्या महानतेचे सर्वात मोठे उदाहरण मानले जाते. त्यांच्या निधनानंतर जगभरातील माजी क्रिकेटपटू आणि चाहत्यांकडून श्रद्धांजली वाहिली जात आहे.
महानतेची साक्ष देणारी आकडेवारी
सोबर्स यांनी 93 कसोटी सामन्यांत 57.78 च्या सरासरीने 8032 धावा केल्या. त्यात 26 शतके आणि 30 अर्धशतकांचा समावेश आहे. गोलंदाज म्हणून त्यांनी 235 विकेट्स घेतल्या, तर क्षेत्ररक्षणात 109 झेल टिपले. प्रथम श्रेणी क्रिकेटमध्ये त्यांनी 383 सामन्यांत 28,314 धावा, 86 शतके आणि 1,043 विकेट्स अशी अफाट कामगिरी केली. त्यांच्या या विक्रमांमुळेच सर गारफिल्ड सोबर्स यांचे नाव आजही क्रिकेट इतिहासातील सर्वकालीन महान अष्टपैलूंच्या यादीत सर्वात वर घेतले जाते.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
