वर्ल्ड कप फायनल हरल्यावरही अर्जेंटिनाला 318 कोटींची बक्षिसं, तर विजेत्या स्पेनवरही पैशांचा पाऊस, किती मिळाले?

भारतीय चलनानुसार जर पाहायला गेलं तर स्पेन संघाला ५० मिलियन डॉलरनुसार म्हणजे भारतामधील जवळपास ४८२ कोटी इतकी रक्कम त्यांना मिळणार आहे. तर उपविजेता अर्जेटिना संघाला ३३ मिलियन डॉलर म्हणजेच ३१८ कोटी रूपये मिळणार आहेत. मागील वर्ल्ड कप २०२२मध्ये फिफाकडून विजेत्या अर्जेंटिना संघाला ४२ मिलियन डॉलर मिळाले होते, यंदा या बक्षीसामध्ये ८ मिलियन डॉलरने वाढ झाली आहे. तर उपविजेत्या फ्रान्स संघाला ३० मिलियन डॉलर मिळाले होते. यंदा ३ मिलियन डॉलरने वाढ झाली.
FIFA World Cup Winner 2026 : फुटबॉल वर्ल्ड कप फायनलमध्ये स्पेनची गतविजेत्या अर्जेंटिनावर 1-0ने मात, एम्बापे गोल्डन बूटचा मानकरी

चेंडूवर वर्चस्व स्पेनचेच

स्पेनने सुरुवातीपासूनच चेंडूवर जास्त ताबा राखला होता. सामन्याच्या उत्तरार्धात तर बराचवेळ खेळ हा अर्जेंटिनाच्या हद्दीतच सुरू होता. ‘टिकी-टाका’ या आपल्या खास शैलीत खेळ खेळताना स्पेनने दस्तुरखुद्द लिओनेल मेस्सीलाही गोल करण्यापासून रोखले होते. चेंडूचे छोटे, छोटे पास हुशारीने करत स्पेनने अर्जेटिनाची कोंडी करण्यात यश मिळवले होते. अर्जेटिनाच्या कच्च्या दुव्यांचा अभ्यास करत स्पेनने मेस्सी आणि कंपनीला गोल करण्यापासून रोखले होते. गोलप्रयत्नांत स्पेनचे १७-० असे वर्चस्व होते. त्यातील दहा प्रयत्न गोलपोस्टच्या दिशेने होते. पण १०५व्या मिनिटांपर्यंत गोल झालाच नव्हता.
FIFA World Cup Winner 2026 : विजेतेपदाचे स्वप्न भंगताच अर्जेंटिनाचा पारेडेस आक्रमक, स्पॅनिश खेळाडूंना मैदानातच भिडला, व्हिडिओ समोर
फेरेन टॉरस याने १०६व्या मिनिटास गोल करीत स्पेनला विजयी केले. स्पेनने या सामन्यात निर्धारित तसेच जादा वेळेत गोलसाठी एकूण २० प्रयत्न केले. त्यातील १२ ऑन टार्गेट होते. मार्टिनेझच्या भक्कम गोलरक्षणामुळे स्पेनला वर्चस्वाचे गोलात रूपांतर करण्यासाठी जादा वेळेतील उत्तरार्धापर्यंत प्रतीक्षा करावी लागली.