Pune News: पुण्यात दिवसात सहा ठिकाणी चोरी झाली. चोरट्यांनी बंद घरे आणि बांधकाम साईटला लक्ष्य केले. सुमारे अकरा लाख रुपयांचा ऐवज चोरीला गेला आहे. धायरी, मार्केट यार्ड, नाना पेठ, फुरसुंगी, लोहगाव आणि चंदननगरमध्ये घटना घडल्या. पोलिसांनी गुन्हे दाखल केले असून तपास सुरू आहे. घटनांमुळे नागरिक भयभीत झाले आहेत.
Laxman Hake: बीडमधील शिक्षकांकडून विद्यार्थिनीचा विनयभंग, लक्ष्मण हाके मनोज जरांगेंवर का संतापले?
धायरीत चोरी
धायरी येथील सचिन पोकळे घरात झोपले असताना दरवाजाजवळील पत्रा कापून चोरट्यांनी आत प्रवेश केला. त्या नंतर दोन मोबाइल चोरून नेले. या प्रकरणी नांदेड सिटी पोलिस ठाण्यात गुन्हा दाखल झाला आहे.
Pune Crime : दिव्य शक्तीच्या नावाखाली अश्लील कृत्य करण्यास भाग पाडलं, बिल्डरची तक्रार, पुण्यात भोंदूबाबावर गुन्हानाना पेठेत घर फोडले
नाना पेठ येथील दुर्गानिवास अपार्टमेंटमध्ये २५ जूनला दुपारी ६३ वर्षीय महिलेच्या बंद घराचा दरवाजा तोडून चोरट्यांनी चारही कपाटे फोडली. त्यातून चार लाख ५७ हजार ६९८ रुपयांचे सोन्याचे दागिने व रोख रक्कम चोरीस गेली. समर्थ पोलिसांनी गुन्हा दाखल केला आहे.
वायरबॉक्स चोरी
लोहगाव येथील डिफेन्स कॉलनीमधील बांधकाम साइटवरून चोरट्यांनी एक लाख रुपये किमतीचे पॉलीकॅब इलेक्ट्रिक वायर बॉक्स चोरून नेले. या प्रकरणी विमानतळ पोलिस ठाण्यात तक्रार दाखल आहे.
वृद्धेच्या घरात चोरी
चंदननगर परिसरातील सोमनाथ नगर येथे ७४ वर्षीय महिलेच्या बंद घराचे कुलूप तोडून चोरट्यांनी आत प्रवेश केला. त्यातून दोन लाख ६० हजार रुपयांचे सोन्याचे दागिने आणि रोख रक्कम चोरून नेली.
मार्केट यार्डला गंगाधामजवळ चोरी
गंगाधाम चौकाजवळील गोदावरी अपार्टमेंटमध्ये एका घराचा सेफ्टी दरवाजा अज्ञात चोरट्यांनी कापून एक लाख ८५ हजार रुपयांचे सोन्याचे दागिने चोरले. या प्रकरणी एका महिलेने तक्रार दिली आहे. त्यावरून मार्केट यार्ड पोलिस ठाण्यात गुन्हा दाखल आहे.
गुन्हे शाखाही अपयशी
घरफोडीचे गुन्हे उघडकीस आणण्यात स्थानिक पोलिसांना सपशेल अपयश येत असल्याचे दिसून येते. त्याबरोबरच गुन्हे शाखेलाही हे गुन्हे उघडकीस आणता येत नसल्याचे स्पष्ट झाले आहे. घरफोडीचे गुन्हे उघडकीस आणण्याचा टक्का मोठ्या प्रमाणावर घटला आहे.
Laxman Hake: बीडमधील शिक्षकांकडून विद्यार्थिनीचा विनयभंग, लक्ष्मण हाके मनोज जरांगेंवर का संतापले?
गॅलरीतून प्रवेश, बेडरूम फोडली
फुरसुंगी येथील गोकुळ बंगला येथे दिलीप कामठे यांच्या घरी चोरट्यांनी गॅलरीचा दरवाजा तोडून प्रवेश केला. चोरट्यांनी कपाटातून चार लाख ७७ हजार रुपयांचे दागिने व रोख रक्कम लंपास केली. सासवड रस्त्यावर ही घटना रात्रीच्या वेळी घडली.
