Nagpur Bribe Case: आरटीओचा दलाल हिंगोली ‘एसीबी’च्या जाळ्यात; कारवाई टाळण्यासाठी लाच घेताना रंगेहाथ अटक, प्रकरण काय?

आरोपी हा आरटीओतील कोणत्या अधिकाऱ्यासाठी लाच स्वीकारत होता, याचा तपास एसीबीने सुरू केला आहे. संजय पुरुषोत्तम कातुरे (वय ४३, रा. रतन हाइट्स, मेडिकल चौक) असे अटकेतील दलालाचे नाव असून एका वाहतूकदाराच्या तक्रारीवरून ही कारवाई करण्यात आली.

तक्रारदाराकडे दहापेक्षा अधिक ट्रक आणि इतर वाहने आहेत. या वाहनांवर आरटीओकडून कारवाई होऊ नये, यासाठी कातुरे याने वाहतूकदाराशी संपर्क साधला. त्याने १ लाख ६८ हजार रुपयांची लाच मागितल्याचा आरोप आहे.

Nagpur Accident : मित्राच्या बर्थडेला निघाले, स्पीड वाढवला अन् घात झाला, दोघा मित्रांचा करुण शेवट, कार चालकाचे वडील गोत्यातवाहतूकदाराने कातुरेच्या बँक खात्यात ऑनलाइन ५३ हजार रुपये जमा केले. त्यानंतर उर्वरित १ लाख १५ हजार रुपयांसाठी कातुरे तगादा लावत होता. त्यामुळे वाहतूकदाराने लाचलुचपत प्रतिबंधक विभागाच्या मुख्यालयात तक्रार केली.

अपर पोलिस महासंचालक डॉ. रवींद्रकुमार सिंगल यांनी हिंगोली पथकाला कारवाईचे निर्देश दिले. गुरुवारी पथक नागपुरात दाखल झाले. ग्रामीण आरटीओ कार्यालयासमोरील कातुरेच्या कार्यालय परिसरात सापळा रचण्यात आला. वाहतूकदाराकडून ५० हजार रुपये स्वीकारताच पथकाने कातुरेला अटक केली. याप्रकरणी जरीपटका पोलिसांत गुन्हा दाखल करण्यात आला असून, पुढील तपास एसीबी करीत आहे.

Nagpur Pollution: मुंबई अन् पुण्यापेक्षा नागपूर अधिक प्रदूषित; उन्हाळ्यात 46 दिवस धूलिकण मर्यादेपेक्षा अधिकतडीपार गुंडाला शस्त्रासह अटक
नागपूर : जुनी कामठी पोलिसांनी तडीपार गुंडाला शस्त्रासह अटक केली. मोहम्मद शाहीद एजाज अन्सारी (वय ४२, रा. वारीसपुरा, कामठी), असे अटकेतील गुंडाचे नाव आहे. एप्रिल महिन्यात शाहीद याला शहर व जिल्ह्यातून तडीपार करण्यात आले. तडीपार असतानाही तो नागपुरात परतला. जुनी कामठी पोलिसांनी मंगळवारी रात्री सापळा रचून त्याला अटक करीत त्याच्याकडून चाकू जप्त केला.