एन. चंद्रशेखरन अध्यक्षपदावरुन पायउतार
चंद्रशेखरन यांचा कार्यकाळ फेब्रुवारी 2027 रोजी संपुष्टात येणार होता, पण त्याआधीच एन. चंद्रशेखरन यांनी टाटा सन्सच्या अध्यक्षपदाचा राजीनामा दिला असून पुनर्नियुक्तीसाठी अर्ज करणार नसल्याचे त्यांनी सांगितले. टाटा समूहाच्या धर्मादाय शाखा – टाटा ट्रस्ट्स – चे अध्यक्ष नोएल टाटांनी चंद्रशेखरन यांच्या पुनर्नियुक्तीला विरोध दर्शवल्यानंतर टाटा सन्सने फेब्रुवारीमध्ये चंद्रशेखरन यांची अध्यक्षपदी फेरनियुक्ती करण्याबाबतचा निर्णय पुढे ढकलल्याचे याआधी रॉयटर्सने सूत्रांचा हवाला देऊन सांगितलेले.
Gold Price Today: सोन्याचा पारा चढला! पिवळसर धातूचा भाव वधारलेलाच, चांदीच्या किमतीही आवाक्याबाहेर; ही तेजी टिकणार का?चंद्रशेखरन 1987 मध्ये टाटा समूहात रुजू झाले आणि 2009 मध्ये टीसीएसचे CEO व 2017 मध्ये टाटा सन्सचे अध्यक्षपदावर विराजणांन झाले. एन. चंद्रशेखरन टाटा परिवाराबाहेरील समूहाचे नेतृत्व करणारे पहिले व्यावसायिक व्यवस्थापक होते. त्यांच्या कार्यकाळात टाटा समूहाचा महसूल दुप्पटीहून अधिक वाढला, पण अलीकडच्या काळात नवीन व्यवसायांमधील मोठ्या गुंतवणुका (सेमीकंडक्टर फॅब, ईव्ही बॅटरी आणि एअर इंडियाच्या विलीनीकरण यांसारख्या) आणि त्यांच्या कामगिरीवरून टाटा ट्रस्ट्ससोबतचे मतभेद अधिकच वाढले. अशा स्थितीत, टाटा सन्समध्ये सुमारे 66% हिस्सा असलेल्या टाटा ट्रस्ट्सचे अध्यक्ष नोएल टाटा चंद्रशेखरन यांचा कार्यकाळ वाढवण्याच्या विरोधात असल्याचे मानले जात होते.
नोएल टाटा चंद्रशेखरन यांच्या विरोधात
याशिवाय टाटा ट्रस्ट्सचे अध्यक्ष नोएल टाटांचा चंद्रशेखरन यांच्या पदावर कायम राहण्यास विरोध असल्याचे दिसत असल्याचेही ईटी अहवालातून समोर आले. त्यामुळे 18 ऑगस्ट रोजी होणाऱ्या वार्षिक सर्वसाधारण सभेत टाटा सन्सचे भागधारक त्यांच्या पुनर्नियुक्तीबाबत मतदान करणार पण, त्याआधीच पदावरून पायउतार होण्याच्या शक्यतेबाबत चंद्रशेखरन यांनी आपल्या निकटवर्तीयांशी चर्चा केली होती.
PO Investment Scheme: फक्त व्याजातून 5 लाखांची कमाई; पोस्टाची टेन्शन फ्री रिटायरमेंट योजना! एकाच गुंतवणुकीत मिळेल जबरदस्त रिटर्नफेब्रुवारी 2024 मध्ये संचालक मंडळाने चंद्रशेखरन यांचा कार्यकाळ आणखी पाच वर्षासाठी पुढे वाढवण्याची शिफारस केलेली, पण नोएल टाटांनी नवीन व्यवसायाच्या कामगिरीवर प्रश्नचिन्ह उपस्थित केले आणि केवळ 2 वर्षांच्या कार्यकारी कार्यकाळाचा प्रस्ताव ठेवला.
टाटा समूहात नेतृत्व वादाचे आणखी एक बळी
दरम्यान, चंद्रशेखरन यांनी राजीनामा जाहीर करण्याआधी सर रतन टाटा ट्रस्टचे विश्वस्त विजय सिंह यांनी आपला सध्याचा कार्यकाळ संपण्यापूर्वीच (शुक्रवारी) पदावरून पायउतार होण्याचा निर्णय जाहीर केला आणि आपल्याला पुन्हा नियुक्त करण्याबाबत विचार केला जाऊ नये, असे ट्रस्टला कळवले.
फेब्रुवारी महिन्यात चंद्रशेखरन यांच्या तिसऱ्या कार्यकाळाला मंजुरी देणारी मंडळाची बैठक पुढे ढकललेली. नोएल टाटांनी कर्ज कमी करणे, टाटा सन्सची शेअर बाजारात पब्लिक लिस्टिंग टाळणे आणि शापूरजी पालनजी समूहाशी संबंधित वाद सोडवणे यांबाबत खात्रीची मागणी केल्यामुळे याआधीची बैठक स्थगित केलेली.
Pocket FM : मेट्रोमध्ये आली आयडिया, उभं केलं 7 हजार कोटींचं साम्राज्य! आधी आले अपयश, मग क्रिएटिव्हिटीने दिले नवे पंखखुद्द दिवंगत रतन टाटांनी एखाद्या मोठ्या भारतीय उद्योगसमूहाचे नेतृत्व करणारे संस्थापक कुटुंबातील नसलेले किंवा वारसदार नसलेले पहिले व्यक्ती म्हणून चंद्रशेखरन यांची निवड केली होती. वाढीचा वेग कायम राखण्यासाठी कंपनी सेमीकंडक्टर चिप्सच्या निर्मितीसह अनेक महत्त्वाकांक्षी आणि मोठ्या गुंतवणुकीचे निर्णय घेत असताना भारतातील सर्वात जुन्या कॉर्पोरेट समूहाची होल्डिंग कंपनी टाटा सन्ससाठी ही अनिश्चितता चिंतेची बाब ठरू शकते.
दुसरीकडे, रतन टाटांच्या निधनानंतर TATA समूहातील अंतर्गत मतभेद उफाळून समोर येऊ लागले. अनेक विश्वस्तांनी राजीनामे दिले आणि वरिष्ठ सरकारी अधिकाऱ्यांनी विश्वस्तांना मतभेदांचा समूहाच्या कंपन्यांच्या कामकाजावर परिणाम होऊ देऊ नये असा सल्ला दिला. त्यामुळे, अलीकडच्या नेतृत्वातील संघर्षामुळे समूहाच्या महत्त्वाच्या निर्णयांना विलंब होत असल्याची अनेक अधिकारी आणि कार्यकारी अधिकाऱ्यांनी चिंता व्यक्त केली होती.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
