mrunal thakur yashasvi jaiswal spotted in mumbai cafe viral video dating rumours ; मृणाल ठाकूरला डेट करतोय यशस्वी जयस्वाल? एका व्हिडिओने रंगलेल्या चर्चांमागचं सत्य काय?

एका व्हिडिओमुळे चर्चा सुरू

मुंबईतील वांद्रे पश्चिममधील एका कॅफेबाहेरचा हा व्हिडिओ असल्याचं सांगितलं जात आहे. व्हिडिओ समोर आल्यानंतर अनेकांनी दोघांबद्दल अंदाज बांधायला सुरुवात केली. मात्र, या व्हिडिओमध्ये मृणाल आणि यशस्वी एकत्र दिसत नाहीत. दोघे एकमेकांशी बोलतानाही दिसत नाहीत. तरीही ते एकाच वेळी त्या कॅफेमध्ये असल्यामुळे सोशल मीडियावर त्यांच्या नावाची चर्चा सुरू झाली.

व्हिडिओमध्ये काय दिसतं?

व्हिडिओमध्ये यशस्वी जयस्वाल कॅफेमधून बाहेर पडताना दिसतो. त्याचवेळी मृणाल ठाकूर कॅफेच्या आत असल्याचं दिसतं. दोघांमध्ये कोणताही संवाद झाल्याचं या व्हिडिओमध्ये दिसत नाही.

CWG 2026 Javelin Throw : ग्लासगोमध्ये नीरजचा धमाका! पाकिस्तानच्या अर्शदचा पुन्हा धुव्वा उडवला; तिन्ही भारतीय भालाफेकपटू फायनलमध्ये!

तरीही काही फॅन पेजेसने हा व्हिडिओ शेअर करत दोघे रिलेशनशिपमध्ये असल्याचा दावा केला. त्यानंतर ही चर्चा सोशल मीडियावर मोठ्या प्रमाणात व्हायरल झाली.

दोघांनीही दिलेली नाही प्रतिक्रिया

सध्या मृणाल ठाकूर आणि यशस्वी जयस्वाल रिलेशनशिपमध्ये असल्याची कोणतीही अधिकृत पुष्टी झालेली नाही. तसेच दोघे डेटवर गेले होते, असंही कुठेही स्पष्ट झालेलं नाही.

Pakistan Cricket Team : वेस्ट इंडिजकडून नामुष्कीनंतर पाकिस्तानला ICC चाही दणका; दोन खेळाडूंवर मोठी कारवाई, काय घडलं होतं?

दरम्यान, यशस्वी जयस्वाल सध्या भारतीय क्रिकेटमधील उदयोन्मुख स्टार म्हणून ओळखला जातो, तर मृणाल ठाकूर बॉलिवूडमधील लोकप्रिय अभिनेत्रींपैकी एक आहे. त्यामुळे दोघांच्या नावाची चर्चा सुरू होताच सोशल मीडियावर या व्हिडिओची मोठ्या प्रमाणात चर्चा रंगली. मात्र, अधिकृत माहिती समोर येईपर्यंत या चर्चांकडे केवळ अफवा म्हणूनच पाहिलं जात आहे.

व्हायरल व्हिडिओ आणि सुरू असलेल्या चर्चांवर मृणाल किंवा यशस्वी या दोघांपैकी कुणीही अद्याप प्रतिक्रिया दिलेली नाही. त्यामुळे सध्या या चर्चा केवळ सोशल मीडियावरील दावे आणि अंदाजांपुरत्याच मर्यादित आहेत.