Kriti Sanon Ad Delete : अभिनेत्री क्रिती सेनन एका ब्रँडच्या जाहिरातीमुळे अडचणीत सापडली होती. तिच्यावर प्रेक्षकांच्या सतत टीका होत होत्या अशातच आता त्या ब्रँडने एक पाऊल मागे घेतले आहे.
दागिन्यांचा ब्रँड ‘GIVA’ ने रक्षाबंधनानिमित्त सुरू केलेली आपली अलीकडील जाहिरात मोहीम सर्व प्रसारमाध्यमांतून मागे घेतली आहे. बॉलीवूड अभिनेत्री क्रिती सनॉनचा समावेश असलेल्या या जाहिरातीत अभिनेत्रीच्या पेहरावावरून सोशल मीडियावर तीव्र आक्षेप घेण्यात आले आणि ती वादग्रस्त ठरली. हा वाद वाढल्यानंतर आणि त्यावर मोठ्या प्रमाणावर टीका झाल्यानंतर, अखेरीस या ब्रँडच्या कंपनीने ही जाहिरात मागे घेण्याचा निर्णय घेतला.
पोशाखावरून वाद आणि सोशल मीडियावर टीका
या ब्रँडच्या जाहिरातीत क्रिती सेनन ‘ब्रालेट-स्टाईल’ ब्लाउज, ड्रेप्ड स्कर्ट आणि केप असे कपडे परिधान केलेली दिसून आली. ही जाहिरात प्रदर्शित होताच, सोशल मीडियावरील काही युझर्सनी तिच्या या पोशाख निवडीवर प्रश्नचिन्ह उपस्थित केले आणि अशा पारंपरिक व पवित्र सणासाठी हा पोशाख अयोग्य असल्याचे म्हटले. या सांस्कृतिक सणावारासाठी साधे आणि पारंपरिक वस्त्र परिधान करायला हवे होते, असा युक्तिवाद अनेकांनी केला.
कंगना रणौतची टिप्पणी आणि क्रितीचे प्रत्युत्तर
जेव्हा अभिनेत्री आणि भारतीय जनता पक्षाच्या खासदार कंगना रणौतने यावर भाष्य केले, तेव्हा हे प्रकरण अधिकच चिघळले. क्रिती सेनॉनच्या पेहरावावर टीका करताना, कंगनाने राखी पौर्णिमेसारख्या शुभ दिनी तिने घातलेल्या कपड्यांची तुलना ‘बिकिनी’शी केली. या टीकेला उत्तर देताना क्रिती सनॉनने आपल्या कपड्यांच्या निवडीचे समर्थन केले आणि टीकाकारांना प्रत्युत्तर दिले. राहुल गांधी यांनीही अभिनेत्रीच्या समर्थनार्थ भूमिका घेतली; त्यांनी म्हटले की, काय परिधान करावे हे ठरवण्याचा अधिकार महिलांना आहे आणि ती त्यांची वैयक्तिक बाब आहे. असे असूनही, सोशल मीडियावरील वाद शमण्याऐवजी अधिकच तीव्र झाला.
ब्रँडचे स्पष्टीकरण आणि जाहिरात मागे घेण्याचा निर्णय
वाढता वाद पाहून ‘Giva’ या ब्रँडने परिस्थिती स्पष्ट करण्यासाठी आपल्या अधिकृत इंस्टाग्राम पेजवर एक अधिकृत निवेदन जारी केले. ब्रँडने स्पष्ट केले की, ही मोहीम रक्षाबंधनाशी निगडित प्रेम आणि उत्सवाचा आनंद कुटुंबातील पाळीव प्राण्यांपर्यंत पोहोचवण्याच्या उद्देशाने तयार करण्यात आली होती. तसेच, कोणत्याही व्यक्तीच्या किंवा समुदायाच्या धार्मिक किंवा सांस्कृतिक भावना दुखावण्याचा कंपनीचा कोणताही हेतू नव्हता.आपल्या निवेदनात ब्रँडने भारतीय संस्कृती, परंपरा आणि सणांबद्दलचा आपला आदर व्यक्त केला. ‘जीवा’ने नमूद केले की, कुटुंबासोबत आनंद वाटण्यावर त्यांचा नेहमीच विश्वास राहिला आहे. पुढे त्यांनी असेही म्हटले की, जर या जाहिरातीमुळे समाजातील कोणत्याही घटकाच्या भावना अनावधानाने दुखावल्या गेल्या असतील, तर त्याबद्दल आदर बाळगून कंपनी ही जाहिरात सर्व प्लॅटफॉर्मवरून पूर्णपणे मागे घेत आहे. याव्यतिरिक्त, कंपनीने सर्वांना सणांच्या शुभेच्छा दिल्या आणि सकारात्मकतेचा संदेश दिला. अशा प्रकारे, अभिनेत्रीच्या पेहरावावरून निर्माण झालेला हा वाद जाहिरात मागे घेण्याच्या निर्णयाने संपुष्टात येण्याती आता शक्यता आहे.
लेखकाबद्दलआकांक्षा तळेकरआकांक्षा तळेकर महाराष्ट्र टाइम्स ऑनलाइनमध्ये कन्सल्टन्ट या पदावर कार्यरत आहे. फेब्रुवारी 2023 मध्ये मटा ऑनलाइनमध्ये काम करण्यास सुरूवात केली. तेव्हापासून मनोरंजन, फिल्म इंडस्ट्री विषयक बातम्या लिहिण्यात हातखंडा आहे. तसेच कलाकारांच्या मुलाखती घेणे, वेगवेगळ्या इव्हेंटला उपस्थित राहून तेथील महत्वाच्या बातम्या करणे, सेट व्हिजिट देऊन त्यावर आर्टिकल बनवण्याचा अनुभव आहे.
पत्रकारितेतील अनुभव
आकांक्षा तळेकर यांचा पत्रकारितेच्या अनुभवाची सुरुवात सामना या वृत्तपत्रापासून झाली. तिथे इंटर्नशीप करताना बातम्यांचा पाया काय असतो इथपासून ते अचूक बातम्यांची निवड कशी करावी या गोष्टी शिकून घेतल्या. त्यानंतर लोकशाही वाहिनीवर दुसरी इंटर्नशीप केली आणि मग तिथेच 6 महिने टिकर ऑपरेटर म्हणून काम केले. यावेळी ब्रेकिंग न्यूज करताना प्रेक्षकांना वाचण्यासाठी कोणते शब्द महत्वाचे असतात, किंवा पत्रकारितेमधले शब्द आणि सामान्य आयुष्यातले शब्द यांच्यातील तफावत शिकता आली. लोकशाही वृत्तवाहिनीमध्ये व्हायरल शोसाठी स्क्रिप्ट लिखाणही केले आहे. हे करत असताना विविध व्हायरल व्हिडिओंपाठी नेमकं सत्य काय हे शोधण्याची सवय लागली. त्यामुळे एखादी बातमी करताना त्याचा ठोस पाठपुरावा करावा हे शिकण्यात आले.
लोकशाहीनंतर मुक्तपीठ या वेबपोर्टलसाठी काही काळ काम केले. तिथे व्हिडिओ बनवणे, कॅमेऱ्यासमोर वृत्तवाचन करणे आदी काम केली. या सर्व गोष्टी करत असताना मेघा मराठी या मनोरंजन विषयक वेबपोर्टलसाठी रोज आर्टिकल लिहिण्याचे काम सुरू होते. त्यामध्ये बॉलिवूड किंवा मराठी इंडस्ट्रीमध्ये लेटेस्ट घडणाऱ्या घडामोडी आर्टिकल स्वरुपात दिल्या.
करोनाच्या काळात बृहन्मुंबई महानगरपालिकेच्या व्हॅक्सिन सेंटरमध्ये डेटा ऑपरेटर म्हणून दीड वर्ष कार्य केले. त्यावेळी सर्वसामान्य व्यक्ती, त्यांचे स्वभाव आणि अडीअडचणी जवळून जाणता आल्या. हे काम करत असताना विविध राजकिय पक्षांसंबंधित लोकांशी सतत संपर्क होत होत्या. त्यामुळे राजकारणात काय चालू असते याची थोडीफार जाण झाली ज्याचा उपयोग पुढे पत्रकारितेमद्ये झाला.
त्यानंतर हेमा मालिनी संपादक असलेल्या मेरी सहेली या मासिकाची मराठी आवृत्ती माझी सहेली मध्ये 3 वर्षे काम केले आहे. माझी सहेलीमध्ये मनोरंजन विषय कोलम लिहिणे तसेच पॉडकास्टमध्ये वेगवेगळ्या विषयांचे संशोधन करणे, मुलाखतींसाठी प्रश्न तयार करण्याचे काम केले. सध्या महाराष्ट्रा टाइम्स ऑनलाइनध्ये मनोरंजन सिनेसृष्टीविषय बातम्या करणे, गाजलेल्या मालिकांचे अपडेट्स देणे, कलाकारांच्या महत्वाच्या सोशल मीडियावर पोस्टबाबत बातमी तयार करुन ती वाचकांपर्यंत पोहचवण्याचे काम करत आहेत. तसेच मालिका किंवा सिनेमांच्या प्रेस कॉन्फरन्समध्ये जाऊन कलाकारांच्या मुलाखती घेण्याचा अनुभव आहे. मनोरंजन विषयाशिवाय क्राइम आणि व्हायरल व्हिडिओवरुन बातम्या करण्याचीही आवड आहे.
शैक्षणिक माहिती
आकांक्षा तळेकर यांनी पार्ले टिळक विद्यालयातून शालेय शिक्षण पूर्ण केले. त्यानंतर साठ्ये महाविद्यालयात विज्ञान शाखेतून 12 वी दिली. पुढे साठ्ये महाविद्यालयातच BMM हा स्पेशल कोर्स केला आणि त्यात पत्रकारितेची पदवी मिळवली.… आणखी वाचा
