Amal Mahadik meets Satej Patil : भाजपचे कोल्हापूर दक्षिण विधानसभा मतदारसंघाचे आमदार अमल महाडिक यांनी डॉ. डी. वाय. पाटील यांच्या पार्थिवाचे अंत्यदर्शन घेत त्यांचे सुपुत्र, काँग्रेस आमदार सतेज पाटील यांचे सांत्वन केले.
कट्टर वैर बाजूला
भाजपचे कोल्हापूर दक्षिण विधानसभा मतदारसंघाचे आमदार अमल महाडिक यांनी डॉ. डी. वाय. पाटील यांच्या पार्थिवाचे अंत्यदर्शन घेतले. डीवाय यांचे सुपुत्र, काँग्रेस आमदार सतेज पाटील आणि भाजप आमदार अमल महाडिक हे कट्टर राजकीय विरोधक आहेत. मात्र राजकीय वैमनस्य विसरुन अमल महाडिक हे दुःखद प्रसंगी पाटील कुटुंबीयांचे सांत्वन करण्यासाठी दाखल झाले आणि त्यांनी श्रद्धांजली अर्पण केली.
डॉ. पाटील यांचे पार्थिव अंत्यदर्शनासाठी आज, बुधवारी सकाळी ११ ते दुपारी चार वाजेपर्यंत त्यांच्या ‘यशवंत निवास’ (कसबा बावडा, कोल्हापूर) येथे ठेवण्यात येणार आहे. त्यानंतर दुपारी चार वाजता अंत्ययात्रा निघणार आहे. सायंकाळी पाच वाजता पॅव्हेलियन ग्राउंड (कसबा बावडा) येथे त्यांच्यावर शासकीय इतमामात अंत्यसंस्कार करण्यात येणार आहेत.
डी वाय पाटलांचा मोठा परिवार
डॉ. डी. वाय. पाटील यांच्या पश्चात मुलगा ‘डॉ. डी. वाय. पाटील विद्यापीठा’चे कुलपती डॉ. संजय पाटील, माजी गृहराज्यमंत्री आमदार सतेज पाटील, विजय पाटील, डॉ. अजिंक्य पाटील, मुली सुप्रिया चव्हाण-पाटील, भाग्यश्री पाटील, डॉ. नंदिता पालशेतकर, डॉ. प्रिया चोलेरा, राजश्री काकडे, नातू माजी आमदार ऋतुराज पाटील यांच्यासह जावई, नातवंडे, पतवंडे असा मोठा परिवार आहे. करोनाकाळात डॉ. पाटील यांना थोडा त्रास झाल्यानंतर ते कोल्हापुरातच राहत होते.
हार्ट अटॅकनंतर प्रकृती खालावली
मागील काही महिन्यांपासून त्यांची प्रकृती हळूहळू खालावत होती. घरातच त्यांच्यावर उपचार सुरू होते. वीस दिवसांपूर्वी त्यांना हृदयविकाराचा झटका आला होता. त्यातून ते सावरले होते. मात्र, सोमवारी रात्री त्यांची प्रकृती खालावली आणि मंगळवारी सकाळी अकराच्या सुमारास त्यांनी अखेरचा श्वास घेतला. त्यानंतर अंत्यदर्शनासाठी कोल्हापूरसह महाराष्ट्रातील विविध क्षेत्रांतील मान्यवरांची रीघ लागली.
Faridabad Teacher Murder : माजी विद्यार्थ्याची घाणेरडी मागणी, सरस्वती स्कूलच्या शिक्षिकेचा नकार, टीचरच्या खुनामागील रहस्याचा उलगडा; दोन मुलांच्या डोळ्यांना आईचा शोध
पंतप्रधान नरेंद्र मोदी, काँग्रेसच्या नेत्या सोनिया गांधी, लोकसभेतील विरोधी पक्षनेते राहुल गांधी, काँग्रेसचे अध्यक्ष मल्लिकार्जुन खर्गे, मुख्यमंत्री देवेंद्र फडणवीस, माजी मुख्यमंत्री पृथ्वीराज चव्हाण यांनी त्यांच्या निधनाबद्दल शोक व्यक्त केला.
डॉ. डी. वाय. पाटील यांच्या पश्चात मुलगा ‘डॉ. डी. वाय. पाटील विद्यापीठा’चे कुलपती डॉ. संजय पाटील, माजी गृहराज्यमंत्री आमदार सतेज पाटील, विजय पाटील, डॉ. अजिंक्य पाटील, मुलगी सुप्रिया चव्हाण-पाटील, भाग्यश्री पाटील, डॉ. नंदिता पालशेतकर, डॉ. प्रिया चोलेरा, राजश्री काकडे, नातू माजी आमदार ऋतुराज पाटील यांच्यासह जावई, नातवंडे, पतवंडे असा परिवार आहे.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
