Maharashtra Politics : मी दिल्लीला गेलो होतो, अमित शहा यांनी मला फोन करुन बोलावले होते, त्यांनी मला सांगितले की, ‘भाजप जॉईन करो.’ असा खळबळजनक गौप्यस्फोट राष्ट्रवादी काँग्रेस शरदचंद्र पवार पक्षाचे ज्येष्ठ आमदार एकनाथ खडसे यांनी केला आहे
वाढदिवस सोहळ्यात भाजप प्रवेशाच्या वावड्या
राष्ट्रवादी काँग्रेस शरदचंद्र पवार पक्षाचे ज्येष्ठ आमदार एकनाथ खडसे हे पुन्हा एकदा भारतीय जनता पक्षात प्रवेश करणार असल्याच्या चर्चा राजकीय वर्तुळात रंगल्या आहेत. खडसे यांच्या वाढदिवसानिमित्त एका भव्य सोहळ्याचे आयोजन करण्यात येणार असून, याच कार्यक्रमात त्यांचा जाहीर भाजप प्रवेश होणार असल्याच्या वावड्या उठत आहेत.
2029 मध्ये देशभरात एकाच वेळी निवडणूक? One Nation One Election ला जोर, अंतिम आराखड्यासाठी प्रयत्न
एकनाथ खडसेंचे सवाल
खडसे म्हणाले, होय, मी दिल्लीला गेलो होतो. अमित शहा यांनी मला फोन करून बोलावले होते. अमित शहा यांनी मला सांगितले की, ‘भाजप जॉईन करो.’ गिरीश महाजन म्हणतात की, माझा विरोध त्यांच्या पक्षप्रवेशाला नाही. मात्र, मला भाजपच्या वरिष्ठ नेत्यांकडून सांगण्यात आले की, ‘तुम्हाला जर पक्षात प्रवेश दिला, तर स्थानिक लोक काम करणार नाहीत.’ ‘खडसेंना पक्षात घेतले, तर आम्ही लोकसभेची जागा पाडून टाकू’, अशी थेट ब्लॅकमेलिंग केली जात आहे. याच कारणामुळे वरिष्ठांनी मला सांगितले की, ‘तुम्ही लोकसभेत आमचे काम करा, पुढे पाहू.’ मग माझ्या पक्षप्रवेशाला नेमका विरोध करतोय कोण?’ असा थेट सवाल खडसेंनी उपस्थित केला आहे.
विनोद तावडे एकनाथ खडसेंना भेटले, महाजनांचा प्रभाव घटवण्यासाठी केंद्राची नवी चाल?
तावडे-गडकरींना वाढदिवसाचे निमंत्रण
विनोद तावडे यांच्या भेटीबाबत बोलताना एकनाथ खडसे यांनी स्पष्ट केले की, ही भेट केवळ एक औपचारिक भेट होती. त्यांनी माझ्या तब्येतीची विचारपूस केली, याव्यतिरिक्त आमच्यात दुसरा कुठलाही राजकीय विषय झालेला नाही. मी त्यांना माझ्या वाढदिवसानिमित्त येण्यासंदर्भात बोललो. मी नितीन गडकरी साहेबांनाही निमंत्रण दिले आहे आणि गडकरी साहेबांनी मला सांगितले आहे की, मी तुमच्या वाढदिवसाला येईन, अशी प्रतिक्रिया त्यांनी दिली.Sanjay Ghadi : दहिसरहून येताना ट्राफिकचा मानसिक-शारीरिक त्रास, मुंबई शहरात घर द्या; उपमहापौर संजय घाडींचे अश्विनी भिडेंना पत्र
मला भाजप प्रवेशात इंटरेस्ट राहिला नाही
भाजप प्रवेशाच्या या संपूर्ण नाट्यावर पूर्णविराम लावताना एकनाथ खडसे यांनी अखेर आपली भूमिका जाहीर केली आहे. खडसे म्हणाले, हे मी स्पष्ट करू इच्छितो की, मला भाजपमध्ये प्रवेश करण्यात कोणताही इंटरेस्ट राहिलेला नाही. मी शरद पवार यांच्यासोबत आहे आणि शेवटपर्यंत त्यांच्यासोबतच राहीन. माझे कार्यकर्ते हे भाजपमध्ये जातील, मी नाही. माझे कार्यकर्ते इच्छुक आहेत, असे देखील त्यांनी म्हटले.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा
