Ahilyanagar Electricity Department Employee Dhiraj Pardeshi Killed : कर्तव्य बजावणाऱ्या महानगरपालिकेच्या कर्मचाऱ्यावर जमावाकडून झालेल्या हल्ल्याचा शेवट त्याच्या मृत्यूने झाल्यानं नागरिकांमध्ये तीव्र संताप आहे. या प्रकरणातील एकही आरोपी सुटता कामा नये, हल्ल्याचं नेमकं कारण समोर आणावं आणि दोषींवर कठोरात कठोर कारवाई करावी, अशी मागणी जोर धरत आहे. आता पोलिसांच्या तपासाकडे संपूर्ण शहराचं लक्ष लागलं आहे.
नेमकं काय घडलेलं?
मुकुंदनगर परिसरातील कब्रस्तानात विद्युत पोलचं काम सुरू असताना ही धक्कादायक घटना घडली. कर्तव्य बजावत असलेल्याधीरज परदेशी यांच्यावर अचानक जमावानं हल्ला चढवला. लाथाबुक्क्यांसह विविध साधनांनी त्यांना जबर मारहाण करण्यात आली. या हल्ल्यात त्यांच्या डोक्यासह शरीराच्या विविध भागांवर गंभीर दुखापत झाली. हल्ल्यानंतर आरोपी घटनास्थळावरून पसार झाले. गंभीर अवस्थेत परदेशी यांना तातडीनं खासगी रुग्णालयात दाखल करण्यात आलं. डॉक्टरांनी शर्थीचे प्रयत्न करूनही अखेर त्यांचा जीव वाचवण्यात यश आलं नाही.
हल्ल्यामागचं कारण अद्याप अस्पष्ट
धीरज परदेशी यांच्यावर एवढा अमानुष हल्ला नेमका कोणत्या कारणातून करण्यात आला, याचा उलगडा अद्याप झालेला नाही. विद्युत पोलचं काम सुरू असतानाच हा हल्ला झाल्यानं कामावरून वाद झाला होता का, यासह अन्य शक्यतांचा पोलीस तपास करत आहेत. हल्ल्यात सहभागी असलेल्या प्रत्येकाची भूमिका तपासली जात आहे.
चार संशयित आरोपी पोलिसांच्या ताब्यात
घटनेनंतर भिंगार कॅम्प पोलिसांनी तपासाची चक्रे वेगानं फिरवत कारवाई सुरू केली. पोलिसांनी काल रात्री युनूस शेख, मेहराज सय्यद, सिराज सय्यद आणि मुस्तकीम सय्यद या चार आरोपींना अटक केली आहे. या प्रकरणातील इतर आरोपींचा शोध सुरू असून, हल्ल्यात सहभागी असलेल्या सर्वांवर कठोर कारवाई करण्याच्या दिशेनं पोलिसांचा तपास सुरू आहे.
पालकमंत्री विखे, आमदार जगतापांसह लोकप्रतिनिधी रुग्णालयात
धीरज परदेशी यांच्या मृत्यूची माहिती मिळताच पालकमंत्री राधाकृष्ण विखे पाटील, आमदार संग्राम जगताप, विधानपरिषदेचे सभापती राम शिंदे आणि आमदार मोनिका राजळे यांनी रुग्णालयात भेट देऊन परदेशी यांच्या कुटुंबीयांची विचारपूस केली. दोषींवर कठोरात कठोर कारवाई करण्याची मागणी यावेळी करण्यात आली. गेल्या दोन-तीन दिवसांपासून आमदार संग्राम जगताप हे परदेशी यांच्या प्रकृतीची माहिती घेत होते. तसेच आरोपींना तातडीनं अटक करून कठोर कारवाई करण्याची मागणी त्यांनी केली होती. रुग्णालयातही त्यांनी उपस्थित राहून कुटुंबीयांना धीर दिला.
जिथे मारहाण झाली, तिथेच अंत्यविधी करा; पत्नीची मागणी
धीरज परदेशी यांच्या पत्नीनं अत्यंत संतप्त मागणी केली आहे. ‘माझ्या पतीला ज्या कब्रस्तानात मारहाण करण्यात आली, त्याच कब्रस्तानात त्यांचा अंत्यविधी करण्यात यावा’, अशी मागणी त्यांनी केली आहे. या मागणीमुळे घटनेचे गांभीर्य आणखी वाढलं असून, प्रशासनासमोर मोठं आव्हान उभं राहिलं आहे.
शहरात तणाव; हिंदुत्ववादी संघटनांचा बंदचा इशारा
परदेशी यांच्या मृत्यूची बातमी पसरताच शहरातील वातावरण तापलं आहे. विविध हिंदुत्ववादी संघटनांनी या घटनेचा तीव्र निषेध करत बंदचा इशारा दिला आहे. बंदच्या घोषणेदरम्यान हिंदुत्ववादी कार्यकर्ते आणि पोलिसांमध्ये बाचाबाची झाल्याचीही माहिती आहे. त्यामुळे मुकुंदनगरसह शहरातील संवेदनशील भागात पोलिसांचा बंदोबस्त वाढविण्यात आला आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा
