Crude Oil Price Hike Today; तेल बाजारावर संकटाचे सावट; US-Iran संघर्षाने घेतले धोकादायक वळण, कच्च्या तेलाच्या किमती गगनाला भिडल्या

Oil Crisis Fears: अमेरिका-इराण यांच्यातील होर्मुझ स्ट्रेटचा ताबा घेण्यावरून चढाओढ सुरू झाली आहे, ज्याचे पडसाद जागतिक तेल बाजारात उमटू लागले आहेत. राष्ट्राध्यक्ष डोनाल्ड ट्रम्प यांनी इराणच्या सर्व बंदरांवर पुन्हा नौदल नाकेबंदी लादली त्यानंतर, प्रत्युत्तरात खाडीतील अमेरिकी सैन्य तळांवर हल्ले केल्याचा इराणने दावा केला. पण या वाढत्या संघर्षाचा जागतिक तेल बाजारावर थेट परिणाम होत आहे.

ब्रेंट आणि WTI या दोन्ही तेलांच्या किमती वाढल्या असून सलग दुसऱ्या दिवशी वाढीसह व्यवहार करत आहेत. होर्मुझ सामुद्रधुनीतील पुरवठ्यातील व्यत्ययांमुळे बाजारातील चिंता वाढली त्यामुळे, तेलाच्या किमतीत मोठी वाढ झाली आहे.

Heramb Karmarkar : होर्मुझमध्ये जहाजावरील हल्ल्यात पुणेकर तरुणाने प्राण गमावले, मरीन इंजिनिअर हेरंब करमरकर यांचा करुण अंत

कच्च्या तेलाचा आजचा दर काय

बुधवारी सकाळी ब्रेंट क्रूड 1.72% वाढून प्रति बॅरल 86.19 डॉलरवर पोहोचले, तर WTI क्रूड 1.11 डॉलर म्हणजेच 1.4% वाढून प्रति बॅरल 80.40 डॉलरवर पोहोचले असून याआधी मंगळवारी दोन्ही बेंचमार्क जवळपास 2% वाढीसह एका महिन्याच्या उच्चांकावर बंद झाले होते. राष्ट्राध्यक्ष डोनाल्ड ट्रम्प यांच्या आदेशावर इराणच्या सर्व बंदरांवर नौदल नाकेबंदी पुन्हा लागू केल्यानंतर बुधवारी सकाळच्या सत्रात कच्च्या तेलाच्या किमती वाढल्या.

“इराणवरील लष्करी हल्ले सुरूच राहतील आणि तेहरानने पुन्हा वाटाघाटींवर न परतल्यास अमेरिका पुढील आठवड्यात वीज प्रकल्प व पुलांना लक्ष्य करू शकते,” असा फॉक्स न्यूजला दिलेल्या मुलाखतीत डोनाल्ड ट्रम्प यांनी नवीन इशारा दिला. अमेरिकी नौदलाने इराणी बंदरावरील नाकाबंदी पुन्हा सुरू केली असली तरीही डोनाल्ड ट्रम्प यांनी मोक्याच्या जलमार्गावरील मालवाहू जहाजांवर 20% शुल्क आकारण्याचा आपला आधीचा प्रस्ताव मागे घेतला.

Bab el-Mandeb: आधी इराणने अडवणूक केली, आता त्याचा मित्रही तेल कोंडी करणार! बाब एल-मंडेबचा गळा आवळणार येमेन
अशाप्रकारे, ट्रम्प यांनी संभावित कर मागे घेतल्यामुळे जहाज वाहतूक उद्योगाला काहीसा दिलासा मिळाला, जो अमेरिका-इराण शस्त्रसंधी संपणे आणि होर्मुझ सामुद्रधुनीतील पुढील व्यत्ययांच्या भीतीने हादरला होता. होर्मुझ एक महत्त्वपूर्ण ऊर्जा मार्ग असून येथून जगातील सुमारे एक-पंचमांश कच्चे तेल आणि द्रवीकृत नैसर्गिक गॅसचा व्यापार होतो.

इराणसोबत तणाव वाढत असताना आणि तेहरानचे जलमार्गावर नियंत्रण कायम राहिल्यामुळे तेलाच्या किमतींवर वाढता दबाव असताना ट्रम्प यांच्यासमोर सध्या कठीण समतोल साधण्याचे आव्हान आहे.

Inflation Crisis: महागाईचा महा-विस्फोट! जूनमध्ये घाऊक महागाई 9.87%, सर्वसामान्यांचे हाल; कोणत्या गोष्टी ठरतायत ‘व्हिलन’?

अमेरिकेकडून पुन्हा हल्ले सुरू

होर्मुझ सामुद्रधुनीमध्ये व्यापारी जहाजांवर हल्ला करण्याची इराणची क्षमता कमजोर करण्याच्या उद्देशाने अमेरिकेच्या लष्कराने नवीन हल्ले सुरू केल्याचा दावा केला. गेल्या आठवड्यात अमेरिकेसोबत तणाव पुन्हा चिघळल्यानंतर इराणने होर्मुझ सामुद्रधुनीचा ताबा घेऊन जहाजांच्या वाहतुकीवर ब्रेक लावला.

त्याचवेळी, इराणी लष्कराने जॉर्डनमधील अझराक तळावरील अमेरिकी लक्ष्यांवर ड्रोन हल्ल्याचा दावा केला पण, असीम अमेरिकेच्या संरक्षण विभागाकडून यावर तात्काळ कोणतीही प्रतिक्रिया आलेली नाही. इराणच्या इस्लामिक रिव्होल्यूशनरी गार्ड कॉर्प्सनेही बहरीन आणि कुवेत येथील शस्त्रे व साठवणूक केंद्रांना लक्ष्य केल्याचा दावा केला आहे. रॉयटर्सला या दाव्यांची तात्काळ पुष्टी करता आली नाही.