आपल्यापैकी बहुतेक लोकांना वाटतं की आपला आपल्या पालकांच्या संपत्ती, मालमत्तेवर जन्मसिद्ध अधिकार असतो, पण सत्य परिस्थिती यापेक्षा खूप वेगळी आहे. भारतातील कायद्यानुसार प्रत्येक मुला-मुलीला पालकांच्या सगळ्या मालमत्तेवर हक्क मिळत नाही. मालमत्ता वारसा हक्काने मिळाली आहे की स्व-अर्जित यातच खरी गंमत आहे.
Mutual Fund Investment: तुमचीही SIP तोट्यात? म्युच्युअल फंडात ‘Stay’ वा ‘Switch’ करण्याचा फॉर्म्युला प्रत्येक गुंतवणूकदाराला माहिती पाहिजे
या एकाच फरकातून तुम्हाला हक्क जन्माने मिळतील की तुम्ही केवळ आशावादी राहाल हे ठरतं. तुम्हीपण तुमच्या हक्कांबाबत संभ्रमात असाल, तर ही बातमी तुमच्यासाठी अत्यंत महत्त्वाची आहे.
स्व-अर्जित मालमत्ता: वडिलांची इच्छा सर्वोच्च
तुमच्या आई-वडिलांनी स्वतःच्या कष्टाच्या कमाईतून घर, फ्लॅट किंवा मालमत्ता खरेदी केली असेल, तर त्याला ‘स्व-अर्जित’ मालमत्ता म्हटले जाईल. अशा परिस्थितीत, वडिलांचे हक्क आणि आणि इच्छा सर्वोच्च असेल. म्हणजे वडील आपल्या मर्जीनुसार कोणालाही मालमत्ता देऊ शकतात किंवा विकू शकतात तसेच, आपल्या पोटच्या पोरांना मालमत्तेतून बेदखलही करू शकतात.
कोट्यवधी नोकरदारांची प्रतीक्षा संपली; EPFO कडून 8.25 टक्के व्याज जमा होण्यास सुरुवात; तुमच्या खात्यात पैसे आले का? पाहा कसा करायचा बॅलन्स चेक
हिंदू उत्तराधिकार कायदा, 1956 नुसार वडिलांना त्यांच्या वडिलांकडून वारसा हक्काने मालमत्ता मिळाली असेल, तर ती त्यांची वैयक्तिक मालमत्ता मानली जाते आणि त्यावर मुलांचा कोणताही हक्क नसतो.
वडिलोपार्जित संपत्ती: जन्माने मिळालेला अधिकार
वडिलांच्या बाजूने (वडील, आजोबा, पणजोबा आणि त्यापुढील) चार पिढ्यांपासून विभागणी न होता हस्तांतरित झालेली असते, त्याला वडिलोपार्जित मालमत्ता म्हटले जाते. अशा मालमत्तेवर मुलांचा जन्मसिद्ध हक्क असतो, आणि वडील आपल्या मर्जीनुसार कोणालाही देऊ शकत नाहीत किंवा विकू शकत नाहीत. अशी मालमत्ता विकायला किंवा त्याची वाटणी करण्यासाठी कुटुंबातील सर्व सदस्यांची संमती आवश्यक असते.
Oil Crisis : तिकडे होर्मुझमध्ये जहाजांच्या रांगा, इकडे ‘सेफ्टी बफर’ रिकामा; IMF ने म्हटले जागतिक बाजार मोठ्या वादळाच्या उंबरठ्यावर
वारसाहक्क कसा मिळतो?
मालमत्ता स्व-अर्जित म्हणजे स्वतःच्या कमाईने कमावलेली असेल आणि वडिलांचा मृत्यू मृत्युपत्राशिवाय झाला, तरच मुलांना क्लास-1 वारस म्हणून मालमत्तेचा वारसा मिळतो. पण मृत्युपत्र केलेले असेल, तर कायदा केवळ मृत्युपत्रातील अटींचेच पालन करतो.
लेखकाबद्दलप्रियांका वर्तकप्रियांका वसंत वर्तक या 2023 पासून महाराष्ट्र टाइम्स ऑनलाईनमध्ये डिजिटल कन्टेन्ट प्रोड्युसर पदावर काम करत आहेत. 2015 पासून डिजिटल मीडियामध्ये विविध वेबपोर्टलसाठी काम केले असून क्रीडा आणि बिझनेस यासारख्या विषयांवरील बातम्यांचं लेखन आणि कव्हरेज करायचा दहा वर्षाचा अनुभव आहे.
मुंबई विद्यापीठातून बीएमएम आणि मग मास्टर्सच शिक्षण घेतल्यावर त्यांनी एनडीटीव्हीमध्ये या अग्रगण्य वृत्तवाहिनीमध्ये इंटर्नशीप केली. मग एनबीटी या वृत्तपत्रात शिक्षण आणि मनोरंजन डेस्कवर काम केले. इथे काम करताना त्यांनी शिक्षण व मनोरंजनाशी संबंधित मुलाखती घेतल्या. त्यानंतर 2016 मध्ये फ्री प्रेस जर्नल या इंग्रजी वृत्तपत्रातील ऑनलाईन डिपार्टमेंटमध्ये तीन वर्ष केले जिथे त्यांनी मनोरंजन आणि क्रीडा क्षेत्रातील घडामोडींचे कव्हरेज सुरु करून तीन वर्षाचा अनुभव घेतला.
पत्रकारिता क्षेत्रात 15 वर्षांचा अनुभव
2019 मध्ये लेट्सली या मराठी वेबसाईटसाठी क्रीडा क्षेत्रात न्यूज रायटर म्हणून काम केले. मे 2023 मध्ये महाराष्ट्र टाइम्समध्ये सर्वप्रथम कन्सल्टंट म्हणून तीन महिन्यांचा अनुभव घेतला. या दरम्यान बिझनेस आणि क्रीडा क्षेत्रातील घडामोडी जसे की आयपीएल आणि वेगवेगळ्या क्रीडा मालिका तसेच बिझनेसमध्ये वेतन आयोगासह आंतरराष्ट्रीय घडामोडी कव्हर केल्या.
2023 मध्ये फुल-टाइम्स बिझनेस कव्हरेज सुरु केले. व्यापार कार्यक्षेत्रातील बातमी आणि विश्लेषण लेखांना प्राधान्य दिलं. आंतराष्ट्रीय तसेच राष्ट्रीय शेअर मार्केट, रिअल इस्टेट आणि व्यापार उद्योगाशी संबंधित घडामोडी आदी विषयांवर लेख मालिका लिहिले. केंद्रीय अर्थसंकल्प, अमेरिकेसोबत ट्रेड डील आणि त्यांचा जनसामान्यांसोबत भारतीय अर्थव्यवस्थेवर होणार परिणाम यांचे विश्लेषण केले.
शैक्षणिक पात्रता
प्रियांका वर्तक यांनी 2014 मध्ये विद्याविहार येथील एस.के. सोमैया महाविद्यालयातून मीडिया व जर्नालिसममधून पदवी आणि पदव्युत्तर शिक्षण घेतले. महाविद्यालयीन काळात बॅडमिंटन आणि क्रिकेट यासारख्या खेळात भाग घेऊन पारितोषिके जिंकली. खेळ, चित्रपट, संगीत, पर्यटन यामध्ये प्रियांका यांना रुची आहे.… आणखी वाचा
