मोटोरोला कंपनी आज भारतीय बाजारपेठेत आपला नवीन शक्तिशाली स्मार्टफोन ‘Motorola Edge 70 Max’ लाँच करण्यासाठी सज्ज झाली आहे. हा फोन लाँच झाल्यानंतर कंपनीच्या अधिकृत वेबसाइटसह फ्लिपकार्ट या ई-कॉमर्स प्लॅटफॉर्मवर विक्रीसाठी उपलब्ध केला जाईल. लाँचपूर्वीच या आगामी फोनचे अनेक आकर्षक आणि जबरदस्त फीचर्स समोर आले आहेत. चला तर मग याविषयीची माहिती पुढे जाणून घेऊया.
सविस्तर माहिती अशी आहे की, मोटोरोलाचा नवीन स्मार्टफोन Motorola Edge 70 Max आज ग्राहकांसाठी लाँच होणार आहे. या आगामी स्मार्टफोनसाठी फ्लिपकार्टवरील मायक्रोसाइट तयार करण्यात आली आहे, ज्यामुळे या फोनमध्ये आढळणारी काही खास असे फीचर्स देखील समोर आले आहेत.
Motorola Edge 70 Max हा फोन आज 15 जुलै रोजी दुपारी 12 वाजता लाँच होणार आहे, लाँचच्या आधी जाणून घेऊया कोणत्या खास फीचर्ससह Motorola Edge 70 Max हा फोन लाँच केला जाणार आहे.
Motorola Edge 70 Max स्पेसिफिकेशन्स
Motorola Edge 70 Max या फोनचा प्रोसेसर समोर आला आहे, हा फोन क्वालकॉम स्नॅपड्रॅगन 8 जेन 5 चिपसेटने सुसज्ज असेल. त्याचा अंटू स्कोअर 3 मिलियनहून अधिक आहे. याशिवाय या डिव्हाइसमध्ये 12 GB पर्यंत रॅम देखील मिळेल.
Motorola Edge 70 Max हा फोनला थंड ठेवण्यासाठी यात व्हेपर कूलिंग चेंबर देखील आहे. डिस्प्लेबद्दल बोलायचे झाले तर हा फोन 7000 निट्सच्या पीक ब्राइटनेससह उपलब्ध असेल, जेणेकरून सूर्यप्रकाशातही तुम्हाला फोनच्या स्क्रीनवर कंटेंट वाचण्यात त्रास होणार नाही. याशिवाय Motorola Edge 70 Max हा फोन क्वाड एचडी प्लस एलटीपीओ डिस्प्लेसह येईल. हा फोन 144 हर्ट्ज रिफ्रेश रेट, कॉर्निंग गोरिल्ला ग्लास 7i सह येतो.
बॅटरीचा देखील खुलासा झाला आहे, हा फोन 7100mAh च्या दमदार बॅटरीसह लाँच करण्यात आला आहे, याची खास गोष्ट म्हणजे यात 25 वॅट मॅग्नेटिक वायरलेस चार्जिंगची सुविधाही मिळेल. याशिवाय 90 वॅट वायर्ड चार्जिंगला सपोर्ट आहे. कंपनीचा दावा आहे की, हा फोन 58 तासांपर्यंत बॅटरी लाइफ देतो.
Motorola Edge 70 Max किंमत (अपेक्षा)
सध्या कंपनीचा मोटोरोला एज 70 प्रो प्लस भारतात 47,999 रुपयांना विकला जात आहे. एका वेबसाईटच्या रिपोर्टनुसार, या डिव्हाइसची किंमत प्रो प्लसपेक्षा थोडी जास्त असू शकते. मोटोरोलाचा फ्लॅगशिप फीचर फोन 55,000 रुपयांपेक्षा कमी किंमतीत लाँच केला जाऊ शकतो आणि या हँडसेटचा बेस व्हेरिएंट या किंमतीत लाँच केला जाऊ शकतो.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा
