या वेळी अतिरिक्त पोलिस अधीक्षक अन्नपूर्णा सिंह यांची उपस्थिती होती. राठोड म्हणाले, ‘सद्गुरू नारायणगिरी आश्रमातील मोहटादेवी मंदिरात कीर्तनकार संगीताताइ पवार महाराज राहत होत्या. त्यांचा खून झाल्याचे तीन दिवसांपूर्वी उघडकीस आले. या प्रकरणी आम्ही संतोष उर्फ भायला जगन चौहान (वय २२, रा. अंछली, ता. सेंधवा, जि. बडवानी, मध्य प्रदेश. सध्या रा. गाढे पिंपळगाव, ता. वैजापूर) आणि अनिल उर्फ हाबडा नारायण विलाला (रा. अंछली, जि. बडवानी, रा. मध्य प्रदेश) यांना ताब्यात घेतले आहे.’
Sangeeta Tai Maharaj : आश्रमात घुसून महिला कीर्तनकाराला संपवलं, वैजापुरात खळबळ, हभप संगीता ताई महाराज कालवश
चौहान वर्षापासून परिसरात मजूरकाम करत होता.आरोपींच्या शोधासाठी पोलिसांनी तीन पथके तयार केली. सीसीटीव्ही फूटेजवरून मारेकऱ्यांची माहिती मिळाली. चौहानला महालगाव शिवारातील गणेश भेळ सेंटर येथून ताब्यात घेण्यात आले. त्याच्या ताब्यातून मंदिरातून चोरलेले काही साहित्य जप्त करण्यात आले. संतोषने ही चोरी मित्र अनिल विलाला याच्यासोबत केल्याचे सांगितले. त्यावरून अनिलला मध्य प्रदेशच्या सीमेवरून ताब्यात घेतले, असे डॉ. राठोड यांनी सांगितले.
ही कारवाई पोलिस उपविभागीय अधिकारी भागवत फुंदे, स्थानिक गुन्हे शाखेचे पोलिस निरीक्षक विजयसिंह राजपूत, सहायक पोलिस निरीक्षक शंकर वाघमोडे, सहायक पोलिस निरीक्षक संतोष मिसळे, पवन इंगळे, सुधीर मोटे, पोलिस हवालदार वाल्मिक निकम, विठ्ठल डोके, शिवानंद बनगे, अशोक वाघ, गोपाळ पाटील, महेश बिरूटे, योगेश तरमाळे, जीवन घोलप, चालक संजय तांदळे, नीलेश कुडे, पोलिस हवालदार विजय ब्राह्मदे, गणेश पंडूरे, रावते, अभंग, चालक जीरे आदींनी केली.
रमाई घरकुल योजनेत १०० कोटींचा घोटाळा? इम्तियाज जलील यांचा गंभीर आरोप
अशी घडली घटना
संतोष चौहान आणि अनिल बिलाला चोरी करण्यासाठी सदगुरू नारायणगिरी आश्रम परिसरात शिरले. मंदिराचे दार उघडण्याचा ते प्रयत्न करत होते. आवाज आल्याने कीर्तनकार संगीताताई महाराज उठल्या. चोरट्यांनी त्यांच्यावर हल्ला करून हत्या केली, असे पोलिसांनी सांगितले.