Ireland Government Scheme: आयरिश महिलेशी लग्न केल्यास ७० लाख रुपये मिळतात, असा दावा करणारा व्हिडीओ सोशल मीडियावर व्हायरल झाला आहे. पण या व्हिडीओमध्ये सांगण्यात आलेली गोष्ट खरी आहे का? चला आपण जाणून या व्हायरल व्हिडीओचं सत्य
‘लग्न केल्यास मिळतील ७० लाख’
हा व्हिडीओ the_express360 या इन्स्टाग्राम पेजवरून शेअर करण्यात आला आहे. या व्हिडीओमधील भारतीय तरुण सांगतोय, “आयर्लंडमध्ये मी अनेक लोकांशी चौकशी केली. त्यांच्याकडून समजलं की तिथे ७० लाख रुपयांची एक स्कीम आहे.” त्यानंतर या तरुणासोबत असलेली तरुणी सांगतेय, “जर तुम्ही आयरिश महिलेशी लग्न केलं, तर तुम्हाला ७० लाख रुपये मिळू शकतात.” पण यासाठी एक अट आहे. लग्न केल्यानंतर तुम्हाला आयर्लंडमध्येच राहावं लागतं. आणि या पैशांचा वापर तुम्ही घर सजवण्यासाठी करू शकता, असा दावा या व्हिडीओमध्ये करण्यात आलाय.
हा व्हिडीओ ७४ लाखांहून अधिक वेळा पाहिला गेलाय. नेटकऱ्यांनीदेखील आश्चर्यापोटी या व्हिडीओवर भरभरून प्रतिक्रिया दिल्या आहेत. कोणाला आधीच लग्न केल्याबद्दल पश्चात्ताप होतोय, तर कोणी आयर्लंडमध्ये जायचं कसं, याबद्दल विचारणा करत आहे. असो, पण खरंच या व्हिडीओमध्ये सांगितल्याप्रमाणे अशी काही योजना आयर्लंडमध्ये आहे का?
खरंच ७० लाख रुपये मिळतात?
आयरिश महिलेशी लग्न केल्यास ७० लाख रुपये मिळतील, अशी कोणतीही अधिकृत माहिती किंवा स्रोत समोर आलेला नाही. त्यामुळे या व्हिडीओमध्ये तरुणाने केलेला दावा खोटा असू शकतो. आयर्लंडच्या Enterprise विभागाच्या अधिकृत वेबसाइटनुसार, आयर्लंडमध्ये व्हेकंट प्रॉपर्टी रिफर्बिशमेंट ग्रँट नावाची योजना आहे. या योजनेअंतर्गत रिकाम्या किंवा जीर्ण घराची दुरुस्ती करून ते राहण्यायोग्य करण्यासाठी सरकारतर्फे ५० हजार युरोपर्यंत मदत मिळू शकते. काही परिस्थितींमध्ये ही रक्कम ७० हजार युरोंपर्यंत वाढू शकते. आयरिश नागरिकाशी लग्न केल्यास रहिवासाचे अधिकार किंवा परवानगी मिळण्याची प्रक्रिया लागू होऊ शकते. पण त्यासाठी सरकार ७० लाख रुपये देत नाही.
(महत्वाची टीप – या बातमीमध्ये नमूद करण्यात आलेली माहिती ही पूर्णपणे सोशल मीडियावरील पोस्टवर आधारित आहे. त्यामध्ये करण्यात आलेल्या दाव्यांची सत्यता maharashtratimes.com ने स्वतंत्रपणे पडताळून पाहिलेली नाही.)
लेखकाबद्दलमंदार गुरवमंदार गुरव हे गेल्या १० वर्षांपासून डिजिटल पत्रकारीता या क्षेत्रात काम करत आहेत. ते महाराष्ट्र टाइम्समध्ये गेल्या ५ वर्षांपासून व्हायरल सेक्शनमध्ये कार्यरत आहेत. सोशल मीडियावर व्हायरल होणारे व्हिडीओ, मीम्स आणि चर्चेत असलेल्या घडामोडी वेळेवर आणि जबाबदारीनं वाचकांपर्यंत पोहोचवणं, हे त्यांचं मुख्य काम आहे. सोबतच खेळ आणि गुन्हेगारी विश्वातील व्हायरल गोष्टींवरही ते सातत्यानं काम करतात. डिजिटल माध्यमं ही अत्यंत वेगानं माहिती देण्यासाठी ओळखली जातात. पण या वेगातही माहिती खरी आहे का? याची खात्री करून घेत आणि पत्रकारितेचा विश्वास जपत, मंदार आपलं काम चोख बजावत आहेत.
डिजिटल पत्रकारितेच्या या प्रवासात मंदार गुरव यांनी आतापर्यंत १० हजारांहून अधिक लेख लिहिले आहेत. वाचकांना जलद, स्पष्ट आणि विश्वासार्ह माहिती मिळावी, यासाठी ते नेहमी प्रयत्न करतात. व्हायरल न्यूज, क्रीडा बातम्या, मनोरंजन क्षेत्रातील घडामोडी तसंच संशोधनावर आधारित विशेष लेख लिहिताना विषय साध्या आणि अत्यंत सोप्या भाषेत मांडणं हे त्यांच्या लिखाणाचं वैशिष्ट्य आहे.
महाराष्ट्र टाईम्स पूर्वी मंदार गुरव यांनी लोकसत्ता ऑनलाईनमध्ये ५ वर्षे मनोरंजन आणि स्पोर्ट्स विभागासाठी लेखन केलं आहे. याच काळात लोकसत्ता वर्तमानपत्रामध्ये हॉलिवूडच्या टेकडीवरून हा कॉलम सुद्धा त्यांनी ३ वर्षे सातत्याने लिहिला. या कॉलममधून हॉलिवूडमधील घडामोडी, आंतरराष्ट्रीय मनोरंजन बातम्या, चित्रपटांचे रिव्ह्यू तसेच सायन्स फिक्शन चित्रपटांमधील रंजक आणि मजेशीर माहिती त्यांनी वाचकांसमोर मांडली. तसंच लोकसत्ता डिजिटल अड्डामध्ये अनेक मराठी आणि हिंदी कलाकारांच्या मुलाखतींमध्ये सहभागी होत, मनोरंजन क्षेत्राचा अनुभव अधिक वाढवला.
क्रीडा पत्रकारितेच्या क्षेत्रातही मंदार यांचा अनुभव खुप चांगला आहे. त्यांनी क्रिकेट वर्ल्ड कप, IPL आणि २०२० टोकियो ऑलिम्पिक यांसारख्या लोकप्रिय स्पर्धांचे कव्हरेज केले आहे. खेळाडूंची कामगिरी, संघांची तयारी आणि स्पर्धांमागील महत्त्वाच्या घडामोडी वाचकांना सोप्या भाषेत समजावून सांगणे, हे त्यांच्या लेखनाचं वैशिष्ट्य आहे.
राजकीय घडामोडींच्या कव्हरेजमध्येही मंदार गुरव यांनी मुंबई महानगरपालिका निवडणूक २०१७, लोकसभा निवडणूक २०१९ आणि महाराष्ट्र विधानसभा निवडणूक २०१९ यांचे सविस्तर वृत्तांकन केले आहे. निवडणुकांशी संबंधित बातम्या, महत्त्वाचे मुद्दे आणि निकाल समतोल आणि तथ्यांच्या आधारावर मांडण्याचा अनुभव त्यांना आहे.
शिक्षणाच्या बाबतीत सांगायचं झालं तर मंदार गुरव यांनी साठ्ये कॉलेज, मुंबई विद्यापीठ येथून बॅचलर इन मास मीडिया ही पदवी घेतली आहे. शिक्षणातून मिळालेलं ज्ञान आणि प्रत्यक्ष कामाचा अनुभव एकत्र वापरून, वाचकांना उपयुक्त आणि दर्जेदार माहिती देणं, हा मंदार गुरव यांचा मुख्य हेतू आहे.… आणखी वाचा
