NRI Pensioners Life Certificate ; परदेशात राहणाऱ्या पेन्शनर्ससाठी महत्वाची बातमी!लाईफ सर्टिफिकेट कराल सादर तरच मिळेल पेन्शन, पण ते करायचे कसे? जाणून घ्या

आधी भारतात सरकारी क्षेत्रात सेवा देणाऱ्या कर्मचाऱ्यांपैकी जर कुणी निवृत्तीनंतर परदेशात स्थायिक झाले आहे, त्या कर्मचाऱ्यांसाठी एक महत्वाची बातमी आहे. भारतीय शासनाने पेन्शनसंबंधित एक महत्वाचा नियम जारी केला आहे.या नियमाकडे दुर्लक्ष कराल तर तुमच्या खात्यात दरमाह येणारी तुमच्या पेन्शनची रक्कम पूर्णपणे बंद होऊ शकते. आता जरी तुम्ही परदेशात स्थायिक असाल तरी तुम्हाला तुम्ही जिवंत असल्याचे प्रमाण भारत सरकारला द्यावे लागणार आहे. जर सरकारला तुम्ही जिवंत असल्याची माहिती वेळेवर पुरवली नाही तर तुमच्या पेन्शनवर परिणाम होऊ शकतो. कदाचित तुमचा पेन्शन पूर्णपणे बंदही होऊ शकतो.

प्रत्येक एनआरआई पेन्शनरसाठी लाईफ सर्टिफिकेट बंधनकारक

परदेशात राहणाऱ्या पेन्शनर्सना आता ते जिवंत असण्याचे प्रमाण भारत सरकारला द्यावे लागणार आहे.त्यासाठी त्यांना लाईफ सर्टिफिकेट सादर करावे लागणार आहे. हे सर्टिफिकेट परदेशी राहणाऱ्या प्रत्येक पेन्शनरसाठी बंधनकारक आहे.पण यामुळे ताण घेण्याचे काहीच कारण नाहीये. कारण हा सर्टिफिकेट सादर करण्यासाठी तुम्हाला भारताची फ्लाइट तिकीट बूक करून भारतात येण्याची आणि या सगळ्या गोष्टींवर उगाच पैसे खर्च करण्याची काहीच गरज नाहीये. अगदी परदेशात बसून तुम्ही भारत सरकारला तुम्ही जिवंत असण्याची खात्री करून देऊ शकता आणि तुम्हाला दरमाह मिळणाऱ्या पेन्शनला भविष्यात होणाऱ्या अडथळ्यापासून दूर ठेवू शकता.

अशाप्रकारे सादर करा लाईफ सर्टिफिकेट

आपली पेन्शन सुरळीत ठेवण्यासाठी लाईफ सर्टिफिकेट सादर करणे आवश्यक आहे. त्यासाठी परदेशातून भारतात येण्याची काहीच गरज नाही. काही मार्ग आहेत त्यांचामार्फत तुम्ही भारत सरकारला तुमचे जिवंत असण्याचे प्रमाण सादर करू शकता.

तुम्हाला ज्या बँकेच्या माध्यमातून दर महिन्याला पेन्शन मिळते, त्या बँकेशी संपर्क साधा. जर तुमची बँक लाईफ सर्टिफिकेट पुरवण्यास पात्र असेल तर बँकेच्या Designated Officer शी संपर्क साधून प्रक्रिया पूर्ण करण्यात यावी. या प्रक्रियेदरम्यान तुमच्याकडे असणाऱ्या काही महत्वाच्या दस्तऐवजांची पडताळणी करण्यात येऊ शकते.

बँकेव्यतिरिक्त दूसरा मार्ग म्हणजे तुम्ही ज्या देशात सध्या स्थायिक आहात तेथील भारतीय दुतावासाशी संपर्क साधा. तिथे आवश्यक त्या दस्तऐवजांची पुष्टी करा. पीपीओ, पासपोर्ट फोटोग्राफस तसेच इतर काही महत्वाचे दस्तऐवजांची गरज भासते. जर भारतीय दुतावास लांब असेल तर पोस्टामार्फतही अर्ज पाठवता येऊ शकतो.

तुम्हाला डिजिटल लाईफ सर्टिफिकेटचाही वापर करता येऊ शकतो. त्यासाठी आधार Authentication करावे लागते तसेच Face Authentication ही करावे लागू शकते.यापैकी कोणताही मार्ग निवडताना प्रत्येक पेन्शनरकडे पेन्शन पेमेंट ऑर्डर, आधार कार्ड, पासपोर्ट, फोटोग्राफस, पेन्शन खात्याचे तपशील तसेच पेन्शन पुरवण्याऱ्या बँकेचे तपशील असणे आवश्यक आहे. जर संबंधित सर्टिफिकेट सादर करताना पेन्शनर स्वतः त्या ठिकाणी उपस्थित नसेल अशावेळी मेडिकल सर्टिफिकेट सादर करणेही बंधनकारक आहे.

टाटा सन्सच्या चेअरमनला पगार किती असतो? पाच वर्षात 650 कोटी रुपये कमवणाऱ्या एन चंद्रशेखरन यांचा पगार, बोनस सर्वांची माहितीभारताबाहेर राहणाऱ्या पण दर महिन्याला भारत सरकारकडून पेन्शन मिळवणाऱ्या प्रत्येकाला लाईफ सर्टिफिकेट सादर करणे सक्तीचे आहे. हे प्रमाणपत्र ऑनलाइनही साठवले जाते. त्यामुळे, पेन्शनरला शक्य त्या मार्गाने सर्टिफिकेट जमा करणे काळाची गरज आहे, अन्यथा पेन्शन मिळवण्यास अडथळा येऊ शकतो.

लेखकाबद्दलटीम मटा ऑनलाइनमहाराष्ट्र टाइम्स ऑनलाइन हा गेल्या २६ वर्षांपासून महाराष्ट्रातील अग्रगण्य पोर्टल आहे. राजकीय, सामाजिक, आर्थिक, कला, क्रीडा, मनोरंजन, लाइफस्टाइल या विषयावर बातम्या देण्याचा आणि वाचकांना अपडेट ठेवण्याचे काम केले जाते. या टीममधील प्रत्येक पत्रकार हा वाचक हा केंद्र बिंदू मानून त्यांना बित्तमबातमी देण्याचा प्रयत्न करतो.… आणखी वाचा