Lionel Messi Father Death News : लिओनेल मेस्सीचे वडील जॉर्ज मेस्सी यांचे निधन झाले. मेस्सीच्या बालपणापासून ते बार्सिलोनापर्यंतच्या प्रवासात त्यांनी महत्त्वाची भूमिका बजावली.
मुलाच्या भविष्यासाठी जॉर्ज मेस्सींचे प्रयत्न
जॉर्ज मेस्सी स्टील उद्योगात काम करत होते. त्याचबरोबर रोझारियोमधील एका क्लबमध्ये लिओनेलच्या सुरुवातीच्या फुटबॉल प्रवासातही ते त्याला मार्गदर्शन करत होते. मेस्सीची प्रतिभा लहानपणापासूनच स्पष्ट दिसत होती. मात्र, त्याच्या वाढीशी संबंधित समस्येमुळे कुटुंबासमोर उपचारांचा मोठा खर्च उभा राहिला. मेस्सीच्या फुटबॉलमधील प्रगतीसोबतच त्याच्या वैद्यकीय उपचारांचीही काळजी घेणे आवश्यक होते. त्यामुळे जॉर्ज यांनी मुलासाठी मोठी संधी शोधण्यास सुरुवात केली.
तो निर्णय मेस्सीला स्पेनमध्ये घेऊन गेला
जॉर्ज मेस्सी यांच्या प्रयत्नांमुळे लिओनेलला स्पेनमध्ये जाऊन बार्सिलोनाच्या युवा संघात खेळण्याची संधी मिळाली. २००० मध्ये मेस्सी बार्सिलोनात दाखल होण्यासाठी स्पेनला गेला. त्यावेळी त्याचे वय अवघे १३ वर्षे होते.
बार्सिलोनाने मेस्सीच्या प्रतिभेला ओळखले आणि त्याच्या उपचारांचा खर्च उचलण्याची जबाबदारी घेतली. त्यामुळे फुटबॉलमधील मोठ्या संधीसोबतच त्याच्या उपचारांचाही मार्ग सुकर झाला.
मुलासोबत स्पेनमध्येच राहिले
मेस्सीला नव्या देशात आणि वातावरणात जुळवून घेता यावे, यासाठी जॉर्ज मेस्सीही त्याच्यासोबत स्पेनमध्ये राहिले. पुढे त्यांनी मेस्सीचे एजंट म्हणूनही महत्त्वाची जबाबदारी सांभाळली. मैदानावर मेस्सीची कामगिरी दिवसेंदिवस उंचावत गेली. त्याने बार्सिलोनाकडून असंख्य विक्रम केले आणि जगातील सर्वोत्तम फुटबॉलपटूंपैकी एक म्हणून स्वतःची ओळख निर्माण केली. या प्रवासात जॉर्ज यांची भूमिका मैदानाबाहेरची होती, पण ती तितकीच महत्त्वाची होती.
फुटबॉल मॅचदरम्यान वीज कोसळली, 24 वर्षीय खेळाडू जागेवरच दगावला; काळजाचा थरकाप उडवणारा व्हिडिओ
जॉर्ज मेस्सी यांचे निधन
अशा या जॉर्ज मेस्सी यांचे वयाच्या ६८व्या वर्षी निधन झाले. ते दीर्घकाळापासून आजारी होते. शुक्रवारी (८ ऑगस्ट) अर्जेंटिनातील रोझारियो शहरातील एका रुग्णालयात त्यांनी अखेरचा श्वास घेतला. जूनमधील फिफा विश्वचषकादरम्यान मेस्सीच्या कुटुंबाने जॉर्ज यांची प्रकृती ठीक नसल्याचे सांगितले होते. मात्र, त्यांच्या आजाराबाबत अधिक माहिती सार्वजनिक करण्यात आली नव्हती.
मेस्सीचा माजी क्लब न्यूवेल्स ओल्ड बॉईजने त्यांच्या निधनाची पुष्टी करत श्रद्धांजली वाहिली. आपल्या मुलाच्या फुटबॉल प्रवासाला सुरुवातीपासून दिशा देणाऱ्या जॉर्ज मेस्सी यांच्या निधनाने आता मेस्सी कुटुंबावर दुःखाचा डोंगर कोसळला आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा
