स्टोव्हच्या देखभालीबाबत योग्य माहिती असणेही तितकेच महत्त्वाचे आहे. योग्य वेळी योग्य खबरदारी घेतल्यास मोठे आर्थिक नुकसान आणि संभाव्य अपघात सहज टाळता येऊ शकतात. त्यामुळे ग्लास टॉप स्टोव्ह वापरताना सुरक्षिततेचे नियम पाळणे आणि कोणतीही समस्या दिसताच तज्ज्ञांचा सल्ला घेणे हा सर्वोत्तम उपाय आहे.
अनेक जण काच फुटल्यानंतर ती गोंद लावून किंवा स्थानिक मेकॅनिककडून तात्पुरती दुरुस्त करून पुन्हा वापरण्याचा प्रयत्न करतात. मात्र, ही पद्धत अत्यंत धोकादायक ठरू शकते. टेम्पर्ड ग्लास एकदा फुटल्यानंतर त्याची मूळ मजबुती कायम राहत नाही. त्यामुळे स्टोव्हचा वापर सुरू ठेवणे अपघाताला आमंत्रण देऊ शकते. अशा परिस्थितीत घाबरून न जाता योग्य पावले उचलणे, स्टोव्हचा वापर तातडीने बंद करणे आणि अधिकृत सर्व्हिस सेंटरशी संपर्क साधणे हा सर्वात सुरक्षित पर्याय असतो. चला जाणून घेऊया, काचेचा गॅस स्टोव्ह फुटल्यास नेमके काय करावे, तो दुरुस्त होऊ शकतो का, त्याचा खर्च किती येतो आणि भविष्यात अशा घटना टाळण्यासाठी कोणती काळजी घ्यावी. (फोटो सौजन्य :- @Saimis Kitchen)
ग्लास टॉप गॅस स्टोव्ह का फुटतो?
ग्लास टॉप स्टोव्हमध्ये सामान्य काच नसून टेम्पर्ड ग्लास वापरला जातो. ही काच मजबूत असली तरी काही विशिष्ट परिस्थितीत ती अचानक फुटू शकते.
1. अतिशय गरम भांडे थेट ठेवणे
स्वयंपाक करताना गॅसवर ठेवलेला तवा, कुकर किंवा लोखंडी कढई खूप तापलेली असते. अशी भांडी अचानक काचेच्या भागावर ठेवल्यास तापमानातील मोठ्या फरकामुळे काचेला ताण येतो आणि ती फुटू शकते.
2. जड भांडी वापरणे
अतिशय वजनदार भांडी किंवा मोठे प्रेशर कुकर वारंवार वापरल्यास काचेवर अतिरिक्त दबाव येतो.
3. आधीपासून असलेले छोटे तडे
काचेवर अगदी छोटासा क्रॅक असला तरी पुढे तो मोठा होऊन संपूर्ण ग्लास फुटू शकतो.
4. उत्पादनातील दोष
काही वेळा उत्पादन प्रक्रियेमधील दोष किंवा वाहतुकीदरम्यान झालेली इजा यामुळेही काच अचानक फुटू शकते.
काचेचा ग्लास फुटल्यावर सर्वप्रथम काय करावे?
1. त्वरित गॅस बंद करा
सर्वप्रथम गॅसची नॉब बंद करा. शक्य असल्यास गॅस रेग्युलेटरही बंद करा.
2. स्टोव्ह वापरणे ताबडतोब थांबवा
काच फुटल्यानंतर स्टोव्ह वापरू नका. फुटलेल्या काचेमुळे गॅस पाइप, बर्नर किंवा इतर भागांचे नुकसान झालेले असू शकते.
3. काचेचे तुकडे काळजीपूर्वक साफ करा
हाताने काच उचलू नका. जाड हातमोजे वापरा. झाडू किंवा व्हॅक्यूम क्लिनरच्या मदतीने छोटे तुकडेही साफ करा.
4. गॅस गळती तपासा
जर गॅसचा वास येत असेल तर कोणतेही इलेक्ट्रिक स्विच चालू करू नका. खिडक्या उघडा आणि त्वरित गॅस एजन्सी किंवा तांत्रिक तज्ज्ञांशी संपर्क साधा.
स्वतः दुरुस्ती करण्याचा प्रयत्न का करू नये?
फुटलेल्या ग्लासवर स्वयंपाक केल्यास खालील धोके निर्माण होऊ शकतात.
- गॅस गळती होण्याची शक्यता
- भांडे घसरून अपघात होणे
- बर्नरची स्थिती बदलणे
- आगीचा धोका वाढणे
- गंभीर दुखापत होणे
नवीन ग्लास बसवण्याचा खर्च किती येतो?
ग्लास बदलण्याचा खर्च स्टोव्हच्या कंपनी, मॉडेल आणि आकारानुसार बदलतो.
साधारणपणे खालीलप्रमाणे खर्च येऊ शकतो.
2 बर्नर स्टोव्ह – ₹1,000 ते ₹2,500
3 बर्नर स्टोव्ह – ₹1,500 ते ₹3,500
4 बर्नर स्टोव्ह – ₹2,500 ते ₹5,000 किंवा त्याहून अधिक
नक्की झालं काय
अशा घटना टाळण्यासाठी काय काळजी घ्यावी?
1. गरम तवा किंवा कुकर थेट काचेवर ठेवू नका.
भांडे खाली ठेवण्यासाठी स्वतंत्र स्टँड वापरा.
2. जड भांडी सावधपणे ठेवा.
भांडे जोरात आपटू नका.
3. काचेला तडे दिसल्यास दुर्लक्ष करू नका.
छोटा क्रॅक पुढे मोठ्या अपघाताचे कारण बनू शकतो.
4. नियमित स्वच्छता करा.
जळलेले अन्न किंवा तेलाचा थर काढून टाका.
5. स्टोव्ह हलवताना काळजी घ्या.
उचलताना किंवा बसवताना काचेला धक्का लागू देऊ नका.
6. कंपनीने दिलेल्या सूचनांचे पालन करा.
प्रत्येक मॉडेलची वजन क्षमता वेगळी असते.
लेखकाबद्दलमृणाल पाटीलमृणाल पाटील या महाराष्ट्र टाइम्स.कॉममध्ये कार्यरत असलेल्या अनुभवी पत्रकार आणि डिजिटल कंटेंट रायटर असून मीडिया क्षेत्रात त्यांना 11 वर्षांहून अधिक काळाचा अनुभव आहे. टेलिव्हिजन, डिजिटल मीडिया, प्रिंट पत्रकारिता आणि जनसंपर्क या विविध क्षेत्रांमध्ये काम करत त्यांनी विश्वसनीय,अभ्यासपूर्ण आणि वाचकाभिमुख लेखनाची भक्कम ओळख निर्माण केली आहे. मनोरंजन, लाइफस्टाईल, फिचर स्टोरीज, ट्रेंडिंग विषय आणि सेलिब्रिटी मुलाखती या विषयांवर सखोल माहिती देणारे लेखन हे त्यांचे प्रमुख कौशल्य आहे.
मृणाल यांनी ‘प्रहार’ वर्तमानपत्रामध्ये प्रवास आणि खाद्यसंस्कृती विषयावर साप्ताहिक लेखन केले आहे. विविध शहरांची संस्कृती, स्थानिक परंपरा आणि खाद्यवैशिष्ट्ये यावर आधारित त्यांच्या लेखांना वाचकांकडून उत्तम प्रतिसाद मिळाला आहे. ‘TV 9’ या प्रतिष्ठित न्यूज चॅनलसाठी त्यांनी अनेक नामांकित कलाकारांच्या मुलाखती घेतल्या असून मनोरंजन पत्रकारितेमध्ये त्यांनी भक्कम अनुभव मिळवला आहे. तसेच आकाशवाणी मुंबईसाठी ‘मन की बात’ या कार्यक्रमासाठी व्हॉइस ओव्हरचे काम करण्याचा अनुभव देखील त्यांच्या कार्यात महत्त्वपूर्ण ठरला आहे.
जनसंपर्क क्षेत्रात कार्यरत असताना त्यांनी 30 पेक्षा अधिक क्लायंट्सचे यशस्वीपणे व्यवस्थापन केले असून ब्रँड कम्युनिकेशन, कंटेंट स्ट्रॅटेजी आणि मीडिया समन्वय यामध्ये त्यांनी उल्लेखनीय कामगिरी केली आहे. सध्या महाराष्ट्र टाइम्समध्ये ट्रेंडिंग आणि लाईफस्टाईल विषयांवर संशोधनाधारित, अचूक आणि विश्वसनीय माहिती देणारे लेख लिहिणे ही त्यांची विशेष ओळख आहे. तथ्य पडताळणी, विश्वासार्ह स्रोतांचा वापर आणि वाचकांसाठी उपयुक्त माहिती सादर करण्यावर त्यांचा विशेष भर असतो.
लेखनासोबतच वाचन आणि सोलो ट्रॅव्हलिंग ही त्यांची आवड असून विविध ठिकाणांच्या संस्कृती, जीवनशैली आणि सामाजिक रचनेचा अभ्यास करण्यामध्ये त्यांना विशेष रस आहे. व्यायाम, हॉलिवूड चित्रपट आणि नव्या तंत्रज्ञानाविषयी माहिती मिळवणे हे देखील त्यांचे आवडते छंद आहेत. आपल्या अनुभव, संशोधन आणि निरीक्षणांच्या आधारे वाचकांना दर्जेदार, अचूक आणि विश्वासार्ह माहिती देण्याचा त्या सातत्याने प्रयत्न करतात.
शैक्षणिक पात्रता
मृणाल पाटील यांनी 2017-18 मध्ये मुंबई विद्यापीठातून मास्टर ऑफ आर्ट्स इन कम्युनिकेशन अँड जर्नालिझम (MACJ) पदवी प्राप्त केली आहे. डिजिटल मीडिया ट्रेंड्स, बदलती वाचक प्रवृत्ती आणि माहिती सादरीकरणाच्या आधुनिक पद्धतींचा त्या सातत्याने अभ्यास करतात.… आणखी वाचा
